arbeiten seine Erbauer vergebens daran.
Wenn der HERR die Stadt nicht bewacht,
wacht der Wächter vergebens.
Hast du Fragen?
Melde dich unter elianeundsandro@gmx.ch.
Möchtest du einen Beitrag machen?
Melde dich bitte bei Mirjam Hänni.
Eliane
Mini Eliane isch e lustigi ufgstellti Frou. Mängisch würkt si chli schüch, aber o nur bis sie uftout, de darf me sech ufe eint oder ander sarkastisch Spruch gfasst mache womere gar nid so würd gäh. D Eliane macht jetz no ar PH iri letschti Usbildig, dass si när am Gymer cha Chemie und Physik unterrichte, mit andere Wort: ufe Grind keit isch sie nid. Sie isch i üsere Beziehig also ds Brain und ig der Künstler, pflege mier (ig) so schön z säge. Sie spilt mega gern Spili het aber o mal gern iri Rueh, dass sie wider cha Chräft tanke. Sie isch sehr geduldig und warmhärzig und nimmt sech immer wider Zit allne Lüt es Ohr z schenke, weme tolli Sache aber o Sorge z verzelle het. Churz gseit isches mir definitiv nid schwer gfalle mi i sie uf der Stell ds verliebe. I gfreue mi uf die ganze tolle Momente mit dier und gfreue mi a üsere künftige Ehe ds fiele und ds schaffe. Es isch sechs unändlich mal der Wärt.
Sandro
Der Sandro isch e sehr ufgstellte und lockere Maa wo überall wo er häre chunnt sofort neui Fründe findet. Und das isch o wichtig wüu si Job als Musiglehrer und Dirigent, wo ihn mit sire Passion der Musig verbindet, bringt ihn regelmässig in Situatione wo er uf neui Mönsche trifft. Wenn er mal grad nid irgendwo am Musiziere isch, was o sis Studium zum Master in Dirigiere beinhaltet, findet me ne gern mal bim Sport oder mit Fründe unterwägs. Im Summer isch er mängisch o für Stunde ufem Velo uf ne chlini (oder grossi) Usfahrt. Trotz sire viele Energie cha me ihn für ne ganze Nami zum stillsitze bringe indem me ihm es Schachbrett vorsetzt. Sit chli meh als zwei Jahr isch e wichtige Teil vo sim Läbe o der Gloube wo er im Bibelläse, Zit mit der Gmeind verbringe und o ganz konkret im Alltag usläbt. Er liebts, mi mal chli vom Sofa wäg z risse für öppis zäme z unternäh was vom ne Spaziergang zum ga iichoufe bis zu spontan uf Genf fahre für im Zug es Kafi z trinke alles cha si. I gniesse die grosse und chline Momente mit dir und freue mi druf, dass mir no es ganzes Läbe zäme vor üs hei.